影片
更多
2024-10-29
209 瀏覽
如果鍾意落地玻璃，超靚無敵海景，又想食得養生健康啲，咁就一定要嚟呢間餐廳。一入門口就見到餐廳拎過好多獎，偷偷影低咗佢，有啲係寫明老闆某啲菜式拎獎，有個應該係由韓國政府頒發嘅大獎。晏晝睇住海景食飯都好寫意，屋企人食完都覺得好舒服。‣ 4 courses lunch menu $538/person· Traditional Korean Porridge, Beef, Clam, Korean Seasonal Vegetable話晒寫明煮咗十五個鐘以上，個粥嘅濃稠度啱啱好，質地細膩、入口順滑，亦都食到海鮮嘅香味，而我都幾鍾意佢加咗芝麻油，令到碗粥更加香。米餅都增添咗唔少口感，食完暖笠笠。· Grill Korean Snapper in Seafood Clear Soup面頭嘅泡泡都係用高湯打成，隔離有啲辣椒粉令到個湯嘅味道冇咁寡。不過我自己覺得就咁飲已經好好飲，蘿蔔都好甘甜，而釜山鮑魚都相當指爽口彈牙，清淡得嚟好舒服。· Grill Australia Wagyu Beef with Homemade Carrot Purée佢嘅胡蘿蔔泥好滑順，冇諗過除咗薯仔，原來配胡蘿蔔泥都幾好
‣ 4 courses lunch menu $538/person
· Traditional Korean Porridge, Beef, Clam, Korean Seasonal Vegetable
話晒寫明煮咗十五個鐘以上，個粥嘅濃稠度啱啱好，質地細膩、入口順滑，亦都食到海鮮嘅香味，而我都幾鍾意佢加咗芝麻油，令到碗粥更加香。米餅都增添咗唔少口感，食完暖笠笠。
· Grill Korean Snapper in Seafood Clear Soup
面頭嘅泡泡都係用高湯打成，隔離有啲辣椒粉令到個湯嘅味道冇咁寡。不過我自己覺得就咁飲已經好好飲，蘿蔔都好甘甜，而釜山鮑魚都相當指爽口彈牙，清淡得嚟好舒服。
· Grill Australia Wagyu Beef with Homemade Carrot Purée
佢嘅胡蘿蔔泥好滑順，冇諗過除咗薯仔，原來配胡蘿蔔泥都幾好食。和牛燒得啱啱好，而我都幾鍾意佢嘅牛扒醬，有韓國嘅特色，味道相對上都係比較溫和。
· Slow Cook Jeju Pork Belly with Perilla Leaves, Homemade Barbecue Sauce
餐牌話係濟州嘅黑毛豬，食落去嘅時候覺得肥瘦比例幾均勻，完全唔會覺得膩，而自製嘅燒烤醬味道亦都啱啱好。每一塊五花肉下面有一個塊酸白蘿蔔切片，可以中和到五花肉嘅膩，感覺都唔錯。
· Busan Own Farm Rice with Eel Soup with 5 Types Special Banchen
講明係自家製嘅珍珠米，老實講啲米係真係幾好食，我最後係當佢好似泡飯咁食，浸住食可以將米嘅香味提升唔少。伴菜嚟講我最鍾意都係白飯魚乾，搭配鰻魚湯真係錦上添花。
· Tea with a traditional Korea Snack
要咗杯蜜糖薑同埋紅棗茶，成件事真係超養生，零食方面餐廳就俾咗油菓，韓國傳統嘅特色小食。用一杯暖笠笠嘅茶為成個餐作結都幾唔錯。
張貼
