MEMOIR (已結業)

午市套餐包餐湯或沙律，我哋兩個都揀咗湯，是日係紅菜頭湯。紅菜頭味濃郁，感覺健康，仲帶少少薑味嘅感覺。主菜揀咗一個紅酒牛肋骨配薯蓉$148及澳洲肉眼扒配韓式燒汁$198。免費餐飲揀咗一個熱焙茶及熱檸茶。另外加配左香煎鵝肝配蘋果蓉$98。香煎鵝肝配蘋果蓉，鵝肝煎得夠香又大件，好香好好味，另外配有少少沙律菜幾fresh。 紅酒牛肋骨份量夠多，有淡淡紅酒味，有點嚼勁。肉眼扒揀咗五成熟，配有香脆薯條肉眼扒牛羶味濃，有點像羊扒。大大件點埋韓式燒汁，味道濃郁。銅鑼灣區價錢合理，餐廳環境簡單舒適。