日喜樓 (已結業)

嗰日經過登龍街，同班同事下見到一起樓開咗係地庫，就決定第日去試吓。之前喺舊舖食過一次晚餐，覺得佢啲小點好精緻好好味，唔知lunch有冇呢啲嘢食呢？原來佢係做lunch set比較多嘅，都幾抵食，一個面+1個小食，銅鑼灣來講呢個價錢都算合理。要咗個油淋雞加擔擔麵lunch set，佢啲雞真係做到好滑好嫩，要做係有層香由淋上去，有啲似口水雞，配埋擔擔麵，係完全上海菜嘅套餐。之後叫佢啲小菜share，咕嚕肉，小籠包同鍋貼，小籠包真係非常推介，皮薄，湯汁好多，新鮮蒸出嚟真係好吸引。鍋貼個皮比較厚少少，可能因為佢要煎所以唔可以太薄，但相對來講都算出色。相反個咕嚕肉賣相就真係爭小小，呢個價錢來講其實佢可以多番少少材料，不過驚喜位係佢啲肉處理得好好，亦都唔會太酸，配飯食一流。