悅廬精致江西菜

營業中

休息中

喺同事介紹下搵到呢間主打江西菜嘅餐廳，餐廳味道正宗，而且食材新鮮，整體體驗都幾唔錯。先嚟南昌手磨米粉蒸肉，呢道菜用咗經過醃製嘅豬肉，配搭特製嘅米粉，蒸完之後米粉吸曬肉汁，同時豬肉仲保持到鮮嫩軟腍，新奇得嚟口感同味道都真係唔錯。山西井岡山煙筍炒三絲，呢道菜有肉絲同魷魚絲，非常爽口，而且辣得嚟好惹味。南昌牛肉炒米粉，加咗芽菜同牛肉絲嚟炒，米線非常滑溜，唔覺唔覺食咗幾碟。藕帶炒牛肉，亦係一道推薦菜，藕帶係蓮嘅莖，比蓮藕爽嫩，炒過之後有啲似大葱嘅口感，餐廳用咗辣椒、豆豉、蒜同蔥嚟炒，味道非常香濃。蔥油餅，外面稍稍炸過，非常酥軟，蔥油香味撲鼻，食落質感軟綿，食到好滋味。魚頭燉芋頭，用咗江西特有嘅芋頭仔，去咗皮並炆咗至少半個鐘，芋頭仔吸曬湯汁之後變得軟淋淋，口感有啲似薯仔，魚頭好大，有好多魚肉而且煮到好入味，最啱撈飯食。南昌白糖糕，外面脆脆地，沾滿砂糖，甜度適中，係飯後甜品嘅好選擇。江西菜味道偏重口味，所以我好appreciate餐廳用咗菊花茶，等我哋喺每度菜之間都可以清一清味蕾。