大澳德發 (已結業)

今日同朋友去咗銅鑼灣做嘢加行街 行完之後我哋都好肚餓 所以就周圍搵嘢食 見到呢間大澳德發 裝修好似幾古典風 而且價錢都幾大眾化 所以就決定入去食埋飯先我哋叫咗個三寶招牌瑤柱走地雞 雞肉鮮嫩無比 出到嚟雖然骨都仲有少少紅色 不過絕對係雞肉嫩滑嘅保證 加上用料豐富嘅調味料同矜貴嘅乾瑤柱 令到成隻雞嘅鮮味更上一層樓三弄脆皮豬手 豬手經過炸嘅工序之後外脆內軟 加埋餐廳秘製嘅醬汁同調味料 呢隻豬手喺出面冇可能食得到椒鹽鮑魚 將堅韌爽口嘅鮑魚用椒鹽煮過 惹味得嚟又保持住鮑魚嘅鮮味香蒜焗生蠔 雖然生蠔冇乜海水味 但係加埋蒜蓉之後都幾好食