壽喜燒 友 (已結業)

最近朋友講開壽喜燒，佢推介係銅鑼灣裝修幾靚又多人既叫做「壽喜燒 友」特登叫埋鍾意食嘅朋友去試下晚餐，入到去見到好日系，好似置身於竹林咁，朋友已經好鐘意了😈先嚟個刺身，有真鯛、赤蝦同馬糞海膽。首先擺盤好整潔，色澤又光鮮。三款刺身都好新鮮，尤其鐘意馬糞海膽，濃郁既海鮮味同奶滑既口感，令人食不停口啊❤️再來和牛他他配最中餅，淨係個賣相朋友都超級喜歡。和牛他他調味相當好味，又有魚子醬，每啖食落都係高貴既口味。再配上熊仔外型既最中餅，越食越開心啊💚跟住壽喜燒A4和牛肉眼、西冷同肩肉，真係一流！肉質嫩滑，口感豐富，每一啖都有濃郁既牛肉味。肉汁鎖係肉裡面，保持了和牛既鮮美，三款都必食🧡仲有日本野菜，啲壽喜燒汁真係超好味。平時朋友都唔食菜，佢都大讚，仲食哂成碟，我都歎為觀止💓呢間店既店員非常友善，又細心、食物又好味，必定會再嚟！