影片
更多
2017-09-02
1516 瀏覽
久違嘅5人飯局終於成行，當然又要搵番間好西食。當日咁岩出開港島區，朋友們又係住港島，所以今次揀港島區嘅餐廳。朋友話想食泰國野，於是集中睇下港島區有咩好食嘅泰菜，最終搵到呢間泰菜，仲要有得訂枱，評價都唔差，喺openrice 訂枱有9折，所以即刻用app 訂左枱先！金蘭花原來有間總店喺灣仔，呢間係佢嘅分店，好似新開左唔係好耐。今日難得出嚟港島，梗係要食好西！餐廳嘅位置有少少難搵，明明個地址係大街，點解喺大街搵唔到個門牌號碼？原來佢係要入左巷仔先見到嗰座大廈，感覺都幾神秘。飲品我叫左泰式利賓納，次次食親泰菜都飲椰青真係飲到有d悶。見到飲品嘅名有d特別，所以叫嚟試試。原來呢杯泰式利賓納係洛神花茶，味道酸酸甜甜咁都幾開胃。5個人可以叫多d野食，先嚟半打串燒，3串雞+3串豬，串燒本身已經醃得好夠味，唔洗點太多汁都ok！青咖哩牛肉一上，朋友已經話要叫白飯。青咖哩好好味，送白飯真係絕配。青咖哩嘅牛肉就普普通通，不過其他嘅配料都算多，唔錯嘅。炒椰菜苗係我食泰國菜必點嘅食物（如果有的話），椰菜苗嘅軟硬度岩岩好，而且仲好惹味，好岩我口味。有得幾個人食泰菜當然要點冬蔭公，今日有5個人可以叫番個湯大家shar
朋友話想食泰國野，於是集中睇下港島區有咩好食嘅泰菜，最終搵到呢間泰菜，仲要有得訂枱，評價都唔差，喺openrice 訂枱有9折，所以即刻用app 訂左枱先！
金蘭花原來有間總店喺灣仔，呢間係佢嘅分店，好似新開左唔係好耐。今日難得出嚟港島，梗係要食好西！
餐廳嘅位置有少少難搵，明明個地址係大街，點解喺大街搵唔到個門牌號碼？原來佢係要入左巷仔先見到嗰座大廈，感覺都幾神秘。
飲品我叫左泰式利賓納，次次食親泰菜都飲椰青真係飲到有d悶。見到飲品嘅名有d特別，所以叫嚟試試。原來呢杯泰式利賓納係洛神花茶，味道酸酸甜甜咁都幾開胃。
5個人可以叫多d野食，先嚟半打串燒，3串雞+3串豬，串燒本身已經醃得好夠味，唔洗點太多汁都ok！
青咖哩牛肉一上，朋友已經話要叫白飯。青咖哩好好味，送白飯真係絕配。青咖哩嘅牛肉就普普通通，不過其他嘅配料都算多，唔錯嘅。
炒椰菜苗係我食泰國菜必點嘅食物（如果有的話），椰菜苗嘅軟硬度岩岩好，而且仲好惹味，好岩我口味。
青咖哩牛 + 炒椰菜苗
20 瀏覽
1 讚好
0 留言
有得幾個人食泰菜當然要點冬蔭公，今日有5個人可以叫番個湯大家share 下！冬蔭公好重香料味，不過又唔算太辣，亦都好夠酸味，都算唔錯。
冬蔭公
26 瀏覽
1 讚好
1 留言
至於恐龍蛋原來係蝦膠包皮蛋，亦都係常見嘅泰菜。賣相就好似麻麻地，可能因為隻碟大左少少，中間望落吉吉地。味道就唔算特別有驚喜，同平時食嘅恐龍蛋味道係差唔多。
恐龍蛋
23 瀏覽
2 讚好
1 留言
泰式明爐烏頭揀左青檸湯，明爐烏頭當然都係要喺你面前滾下先有feel。魚都算幾大條，味道亦都好有泰式嘅味道！另外上魚嘅時候亦都會俾多一碗湯你俾你之後加湯用。
泰式明爐烏頭（青檸湯）
30 瀏覽
1 讚好
1 留言
食左咁多樣野之後，大家已經飽得七七八八，枱面嘅野亦都清得七七八。我地開始顧住吹水，而侍應亦都好細心見我地枱面食得有d混亂，主動同我地執左張枱，仲叫我地可以慢慢坐。喺旺區食飯真係好少有咁貼心嘅服務，真係有d感動。
傾左一陣再望望餐牌諗住叫甜品食。未嚟之前已經見到有芒果糯米飯生日蛋糕，不過我地已經食得幾飽下，只係口痕，所以只係叫左普通份量嘅芒果糯米飯。芒果糯米飯擺盤擺得好靚好似一朵花咁，味道亦都唔錯，芒果仲好清甜。
芒果糯米飯
38 瀏覽
1 讚好
1 留言
椰汁千層榚有4件，有d斑蘭味。千層榚煙煙韌韌，而且暖暖地，好有驚喜。雖然已經食到好飽，但係都仲覺得好好食。淡淡嘅斑蘭香又有少少椰汁味，係泰國嘅味道，亦都為呢晚嘅晚餐劃上完美嘅句號。
泰式千層榚
19 瀏覽
1 讚好
1 留言
埋單亦都自動波俾埋個9折，唔會好似有d餐廳咁要問先俾你！呢間餐廳服務真係唔錯，做野好主動，食物亦都係水準之上，亦都好好坐又無限時，以後一定會再去幫襯！
張貼
