花都餐廳

懷舊餐廳夠唔夠都想食下，今日去到銅鑼灣，打開個openrice睇下有咩食，點知見到好多食評都講話平靚正，咁就上去試下啦，點樣嚟到咁啱食飯時間，好多人，但係服務員服務態度都好好，我叫咗個西冷牛扒，佢話晏晝冇得嗌幾多成熟夜晚就有，之後老公叫咗葡汁雞扒飯，另外嗌咗半打串燒，兩支牛兩支雞兩支豬。個羅宋湯估唔到好好飲，平時出面啲例湯，講真淡茂茂。呢度超濃。牛扒就ok啦不過不失啦，葡汁雞扒飯個汁好好味，啲雞都嫩滑，沙嗲串燒啲肉好嫩，唔會乾真真佢個沙嗲醬其實好食但唔知點解要咁杰見到其他人嗌嗰啲午餐，講真而家喺香港，仲要係鬧市，邊度搵到40幾,50蚊性價比咁高嘅嘢呀,我見人哋嗌嗰啲午餐都好大碟喎。加油呀 ，忍唔住即刻真係要寫食評，讚下。