深宵食堂 (已結業)

星期六忙左大半日，約左好姊妹係銅鑼灣揼完骨係附近食埋晚飯先返屋企，揀左呢間位於百樂中心六樓既深宵食堂，餐廳環境裝修得好似日本居酒屋咁，同朋友坐低食串燒飲下野就最爽🥰🐡雞泡魚乾 ($78)一大塊雞泡魚乾預先切開左一條條好方便，燒到好香又有嚼勁，點埋沙律醬夠哂開胃🐄生燒牛脷芯 ($38)牛脷芯係牛舌最中心既位置，口感夠彈牙，用少少鹽調味已經好好食😋🐮一口和牛串 ($78)一客兩串既和牛份量都幾多，和牛嫩滑多汁，入口即溶💯👍🏻🧀🦀芝士蟹肉玉子燒 ($78)見到咁多好評介紹呢個玉子燒一於叫黎試下，切開見到芝士拉絲咁，入面有啖啖鮮甜既蟹肉，玉子燒好嫩滑，果然係人氣推介👍🏻💯🍢鹽燒雞軟骨 ($32)鹽燒雞軟骨一客兩串，燒到脆卜卜，每次食串燒都一定要叫既雞軟骨❤️👍👍👍🦐8吋蒜蓉大虎蝦 ($78)上枱嗰陣已經聞到好香蒜蓉味，虎蝦大隻夠新鮮，口感爽口彈牙🦪蒜蓉焗蠔 ($42 / 2隻)呢個私心推介鐘意食蠔既朋友，手掌咁大既蠔都係四十幾蚊兩隻真係超值，蠔肉大隻，鮮甜海水味濃，上面加埋蒜蓉夠哂惹味😌😋🍢汁燒帆立貝 ($38)一串三隻汁燒帆立貝好好食，厚肉而爽彈，欣賞佢個燒汁做得好好，提升左帆立貝既鮮味👍🏻🥰