大澳德發 (已結業)

經過銅鑼灣嘅呢間大澳德發 佢有成兩層樓咁多 上面嘅卡位坐得舒服之餘 仲可以望落銅鑼灣嘅街景 十分寫意招牌瑤柱走地雞 十分驚喜隻雞完全係畀瑤柱水淹沒咗 瑤柱味道好香濃 雞肉嫩滑 配埋特製天然醃料 味道唔錯椒鹽鮑魚 外皮炸得脆卜卜火喉十足 入面係鮮味無比嘅新鮮鮑魚 非常彈牙可口 有兩種唔同嘅口感三弄脆皮豬手 已經預先起肉十分細心 豬皮超級無敵脆 一啲都唔肥膩 豬手肉則略嫌較乾 不過送啤酒一流暖笠笠支竹羊腩煲 分量都幾大 羊肉炆得又淋又入味 入面仲有好多馬蹄 支竹 冬菇等等嘅配料 仲送生菜一碟 食完成個人暖笠笠