金蘭花泰國餐廳 (已結業)

朋友話請食泰國菜，想揾銅鑼灣但唔好太貴，咁就上open rice睇下有乜推介啦，睇到呢間喺怡和街嘅樓上舖金蘭花，食物賣相唔錯而且價錢又唔貴，再睇食評都ok，咁就即刻訂位，原來經open rice訂位食滿$300有75折，好抵喎，餐廳地方唔算好大，有卡位有沙發位，我哋點左黃咖哩雞，薄餅，冬陰功，海南雞，泰式小食拼盆同無骨鳳爪，咖哩幾香，不過雞就少左啲，小食拼盆有魚餅，蝦餅，春卷同(炸雞好似係)因為我無食，幾款小食水準唔錯，冬陰功亦好香酸辣味道啱啱好，海南雞一般水準無乜驚喜但ok嘅，而無骨鳳爪我都覺得味道唔錯，埋單因為有75折關係平左百幾蚊實收四百幾，喺銅鑼灣區算係抵食。