川粵時光 (已結業)

今日嚟到位於登龍街嘅一間川菜食晚飯，呢度大廈最頂個幾層，近窗邊同房都望到夜景，餐廳位置闊落，但檯數唔多，所以個場唔會好多人好嘈，無論約會定朋友敘舊都好適合！叫左杯橙汁，同埋一杯係荔枝特飲，裡面都幾多荔枝果肉，幾甜幾清新，食濃味野嘅時候好o岩飲。我地叫咗三個前菜包括酸辣魚皮、酸辣鳳爪同埋拔絲秋葵。酸辣魚皮辣得嚟而且爽口，魚皮一啲都唔腥，好有咬口。秋葵咬落去味道好新鮮，麻辣惹味之餘都算都幾開胃。酸辣鳳爪唔會太凍，好入味但又唔會太酸。叫咗一個幾特別嘅黃金椰菜花 ，每一個椰菜花都沾滿鹹蛋黃，椰菜食落去爽口，甘香嘅鹹蛋黃味令這道菜變得不平凡 。酸菜魚嘅魚肉無骨而且好軟滑，裡面加左好多芫荽，所以辣之中又帶點清新，令魚肉嘅鮮味都好特出，裡面仲有蕎麥麵，所以食呢個魚都飽肚！甜品係冰粉，好清甜爽口！