교자상

營業中

休息中

最近造訪一間高級精緻韓國餐廳，菜式由韓國當地大廚主理研發，並且用上濟州新鮮食材，就梗係帶friend黎見識下啦👀呢間隱世餐廳地點比較入，要少少時間去搵。佢有indoor同outdoor位選擇，户外位頗有情調，裏面座位寬敞有格調，裝飾以高級灰調為主，佢仲有2張榻榻米的VIP大枱，一大班人黎到都唔洗怕🥰🍲招牌菜式 - 韓式蒜頭清燉雞鍋 $385呢個招牌菜式裏面有雞件、年糕、薯仔、飯同大蔥，鍋底滿滿的蒜粒，十分香口✨雞件鮮嫩多汁，配送特制的清新醬料，淡淡肉咁食都不膩。個份量都好多下，撈極都仲有，3人分享就差唔多。如果選擇辣鍋，個鍋會愈燉愈辣，唔食得辣的朋友可以選擇呢隻清燉雞鍋款，個湯底會係濃厚蒜味，好滋補🫑傳統新式菜 - 炸青陽辣椒釀豬肉 $86辣椒釀豬肉炸粉唔算太厚，炸得都幾酥脆。青陽辣椒係韓國好日常食開的辣椒，比起一般辣椒更帶有特殊香氣，外表亮麗有光澤咬下口感清脆並辣味，肉碎充滿青椒味，配上青檸香蛋黃醬及韓式辣椒醬，十分驚喜。🦀開心share - 煎餅拼盤 $188煎餅拼盤可以一次過試晒兩種口味, 海鮮煎餅充滿魚仔同墨魚, 十分足料，泡菜煎餅有一塊塊泡菜係裏面，唔算好辣, 味道中規中矩。