十八夢

放工一個人去享受晚餐，去銅鑼灣登龍街18號V Point 6樓《十八夢》食晚飯。邊聽音樂邊嘆美食，美好人生態度。法國藍腳雞卷配忌廉芝士野菌卷雞肉用皮卷住再拎去炸，外皮超脆，雞肉鮮味濃郁，肉質嫩滑。忌廉芝士野菌卷好香野菌味同忌廉芝士好夾呀❤️松葉蟹肉水菜米紙卷，米紙卷材料豐富，口感好清新又超好味，食落口入面啖啖蟹肉，配埋佢地特製的醬汁好開胃呀！火炙和牛多士，有三款，分別係魚籽，魚籽醬和海膽，各自舖係牛肉上，厚厚的和牛切到同多士的大小，牛肉肥瘦分明，微微煎香表面，散發住焦香味，多士同牛肉之間更夾住野菌，好有驚喜。呢道菜雖然簡單，但味道絕不簡單，超正呀😋