影片
更多
2024-04-04
43 瀏覽
抓着春天的尾巴，趁今日有啲風，喺附近嚟個Bbq先。Falo Bistro 喺銅鑼灣地鐵站行過去只需3分鐘，位置方便。下面嗰層係室外空中花園BBQ場，上面嗰層係室內酒吧。 今晚咁啱係星期四，餐廳有live Band表演，氣氛一流。BBQ 套餐放題任食，非酒精飲品（可樂，無糖可樂，清涼爽，維他冷泡茶，道地纖解茶，檸檬梳打水）任飲。基本上,平時主要Bbq嘅嘢食包括墨魚丸，龍蝦丸，春卷，牛丸，魚片頭，芝心丸，芝士腸香腸，魚蛋，貢丸，牛扒，豬扒，雞扒，雞翼，豬頸肉，蔬菜包嘅款式都有齊。食材經過備長炭燒制後都好香口而且肉質唔乾。呢個可能係因為備長炭嘅特性（溫度穩定，唔易燶食物）。而且用備長炭唔會好似平時用普通白炭燒出嚟咁大煙，所以燒嗰陣時都冇咁容易煙親隻眼。另外佢哋嘅場地都好乾淨，有洗手盆喺附近方便大家隨時清洗雙手。戶外用上露營椅，感覺relax。我哋燒到大約八點幾，聽到酒吧入邊有live Band表演，而我哋Bbq都已經食飽咗，就入咗去酒吧度叫咗兩杯藍莓益力多Cocktail。一路聽住live Band表演，傾吓偈，又係另一番風味。又可以戶外BBQ，又可以隨時入去室內飲番杯兼嘆吓冷氣，喺銅鑼灣真
抓着春天的尾巴，趁今日有啲風，喺附近嚟個Bbq先。
Falo Bistro 喺銅鑼灣地鐵站行過去只需3分鐘，位置方便。下面嗰層係室外空中花園BBQ場，上面嗰層係室內酒吧。 今晚咁啱係星期四，餐廳有live Band表演，氣氛一流。
BBQ 套餐放題任食，非酒精飲品（可樂，無糖可樂，清涼爽，維他冷泡茶，道地纖解茶，檸檬梳打水）任飲。基本上,平時主要Bbq嘅嘢食包括墨魚丸，龍蝦丸，春卷，牛丸，魚片頭，芝心丸，芝士腸香腸，魚蛋，貢丸，牛扒，豬扒，雞扒，雞翼，豬頸肉，蔬菜包嘅款式都有齊。食材經過備長炭燒制後都好香口而且肉質唔乾。呢個可能係因為備長炭嘅特性（溫度穩定，唔易燶食物）。而且用備長炭唔會好似平時用普通白炭燒出嚟咁大煙，所以燒嗰陣時都冇咁容易煙親隻眼。另外佢哋嘅場地都好乾淨，有洗手盆喺附近方便大家隨時清洗雙手。戶外用上露營椅，感覺relax。
我哋燒到大約八點幾，聽到酒吧入邊有live Band表演，而我哋Bbq都已經食飽咗，就入咗去酒吧度叫咗兩杯藍莓益力多Cocktail。一路聽住live Band表演，傾吓偈，又係另一番風味。
又可以戶外BBQ，又可以隨時入去室內飲番杯兼嘆吓冷氣，喺銅鑼灣真係冇乜地方有👍的確有特色
張貼
