阿麥廚房 (已結業)

朕既貼身隨從話未食過丹麥既炸脾，今日就專登過去食，當朕左手一隻炸脾，右手一罐可樂，在丹麥附近徘徊之際，朕突然望到有間西餐而朕又未食過，於是就望一望佢個餐牌，見都幾啱朕既胃口，於是乎食完飲完就即刻行入去試一試！兩個人叫左兩個升級Set Din，前菜轉左做香煎法國鵝肝配焦糖酒醋草莓，鵝肝煎到外脆，入面香軟，油份充足，咬落啲油俾多士吸收，真係一滴都無浪費！另外就係大蝦占米多，蝦肉爽口彈牙，醬汁非常惹味，另外仲有啲菇菇喺度索汁，一啖食落，層次豐富。湯朕就叫左黑松露菌忌廉湯，忌廉香甜，加上大量菌茸同埋黑松露，飲落好豐滿。黑松露麵包蟹意大利飯，蟹肉手拆開，蟹膏則用作炒意大利飯，最後蟹鋪面再焗，黑松露另上，意大利飯有濃郁既蟹膏味，再配埋少少黑松露，吊出佢既鮮味！德國式燒咸豬手，豬皮燒到香脆，而入面啲肉仲係好香嫩，加埋中間層少少既肥肉，又有少少黏口，層次分明，不俗！！！最後仲叫左杯Cappuccino，佢既奶泡打得好細滑，又夠豐滿，飲落香味久久不散，完美既終結！－－－－－完－－－－－