蟹慶

營業中

休息中

銅鑼灣有好多好食嘢，但最近搵到間隱世小店幾值得推介。呢間餐廳係食蟹嘅專門店，點入面有好多蟹嘅飾物。我同朋友試咗蟹愉套餐，可以一次過試幾款唔同嘅蝦蟹煮法。首先係大蝦沙律，加咗蟹籽同柚子醋，開胃又健康。跟住係季節刺身三點，有帶子、三文魚同池魚，厚切肥美，真係唔錯。松葉蟹肉三文魚籽茶碗蒸，蒸蛋滑溜好食，仲有茶碗蒸必備嘅冬菇同白果。鹽焗活蟹，原隻上碟，剝殼食嘅時候，蟹肉有時會沾到粗鹽帶，令蟹肉增添少少鹹味，有調味效果。龍蝦天婦羅，非常驚喜，有大大隻嘅龍蝦，又彈牙又好肉地，仲有秋葵、南瓜同甜薯，點醬油或者粗鹽都好好味。鯛魚白湯都幾香濃，鯛魚鮮味突出，仲有豆腐同松茸。松葉蟹肉濃湯素麵，素麵口感偏軟，可以撈埋質地較穊嘅濃湯一齊食，令蟹嘅鮮味更加突出。最後係甜品，紅豆綠茶布甸配黑糖蕨餅，甜得嚟唔會蓋過咗頭先蟹宴嘅味道，為套餐劃上完美嘅句號。