餃掂手工餃子雲吞專門店

雙拼煎餃 x 10隻（韭菜&粟米豬肉）$61煎餃（鍋貼）做得幾出色，將餃子底部煎到金黃，而餃子皮就keep住軟冧冧。韭菜落得好足，豬肉方面唔似係半肥瘦，比較傾向全瘦肉，口感上會差少少，但就健康啲。粟米豬肉餃既餡料比例麻麻，七成粟米三成豬肉，淨係食到粟米既味道。韭菜餃會比較好食！👏🏻-元貝豬肉餃 x 7隻 $52將元貝切成絲狀溝埋豬肉餃餡料，幾有誠意。略嫌元貝得落唔夠重手，食落比較似係普通豬肉餃咁。😾-例外店鋪入面每張抬都有一大樽醃蘿蔔比大家開下胃，抵讚！👍🏻唔少鋪頭啲醃野開胃野都係食唔曬雪番再用，所以會有陣‘縮’味。依間餃子店就冇依個情況喇。總括黎講價錢係銅鑼灣黎講唔算太貴，食身水準算唔錯，可以一試。