影片
更多
2017-05-30
2679 瀏覽
話說今日係佛誕，原本以為可以休息一日，點知啲補習學生全部whatsapp我要補習，我都估到㗎喇，因為就快考試，所以唯有假期都去開工啦！補習社就喺銅鑼灣廣場附近，我同另外一個老師補完習就去周圍睇下有咩好食，就見到地鐵站出口附近有易拉架宣傳食放題，於是我哋就去試下！呢間叫組長放題，喺地鐵站對面嘅京都廣場十樓，一坐低，就即刻叫野食！我哋仲加多$38，就可以任食雪場蟹腳、鵝肝多士、黃金焗蠔、安格斯牛柳同珍寶帶子。首先先嚟一大盤刺身，有三文魚、帶子同馬刀貝，三文魚色澤新鮮，帶子幾爽口，馬刀貝唔會太韌。跟著就係雪場蟹腳同珍寶帶子，蟹腳還可以，珍寶帶子真係好食到停唔到口，好鮮甜！象拔蚌壽司幾好食，唔會有腥味，又爽口。香煎十勝牛舌燒得啱啱好，又香口又唔會好硬。估唔到呢個汁燒一口牛會有幾重牛肉味，細細粒，好易入口。鰻魚火炙壽司同蟹棒火炙壽司熱辣辣整好，微焦好吸引。芝士焗扇貝嘅芝士唔馬虎，好香又濃味，食完一粒又一粒。汁燒帆立貝、炭燒免治雞肉棒同鹽燒雞軟骨都唔錯，燒嘅熟度啱啱好，調味又好。辣味三文魚軍艦明太子元貝軍艦要讚！竟然比好大日本餐廳仲要好，辣汁夠味又唔太辣，仲有明太子食，好抵！蕃薯、南瓜、鮮露旬、蟹
補習社就喺銅鑼灣廣場附近，我同另外一個老師補完習就去周圍睇下有咩好食，就見到地鐵站出口附近有易拉架宣傳食放題，於是我哋就去試下！
呢間叫組長放題，喺地鐵站對面嘅京都廣場十樓，一坐低，就即刻叫野食！
我哋仲加多$38，就可以任食雪場蟹腳、鵝肝多士、黃金焗蠔、安格斯牛柳同珍寶帶子。
首先先嚟一大盤刺身，有三文魚、帶子同馬刀貝，三文魚色澤新鮮，帶子幾爽口，馬刀貝唔會太韌。
跟著就係雪場蟹腳同珍寶帶子，蟹腳還可以，珍寶帶子真係好食到停唔到口，好鮮甜！
象拔蚌壽司幾好食，唔會有腥味，又爽口。
香煎十勝牛舌燒得啱啱好，又香口又唔會好硬。
估唔到呢個汁燒一口牛會有幾重牛肉味，細細粒，好易入口。
鰻魚火炙壽司同蟹棒火炙壽司熱辣辣整好，微焦好吸引。
芝士焗扇貝嘅芝士唔馬虎，好香又濃味，食完一粒又一粒。
汁燒帆立貝、炭燒免治雞肉棒同鹽燒雞軟骨都唔錯，燒嘅熟度啱啱好，調味又好。
辣味三文魚軍艦明太子元貝軍艦要讚！竟然比好大日本餐廳仲要好，辣汁夠味又唔太辣，仲有明太子食，好抵！
蕃薯、南瓜、鮮露旬、蟹棒、海鰻同大蝦天婦羅，全部都炸得啱啱好，外皮個炸粉好薄，所以一食唔會散開。
芒果雪糕
$188+$38就食到放題，簡直超值！
張貼
