Sodam Chicken (已結業)

放題食得多，炸雞放題🍗反而係第一次見，價錢又幾抵，$168食90分鐘，所以約埋fd一起去試下先。.炸雞🍗 甜酸炸雞蜜糖芥末炸雞香草青檸炸雞檸檬柚子炸雞濃蒜炸雞我地差唔多所有口味都試過，每款雞個皮都超級無敵脆，kalakala聲，仲要每隻都熱辣辣，好有誠意。最傳統嘅甜酸炸雞最深得我心，甜酸度啱啱好，而個雞本身都有調味，唔會淨係靠醬汁帶出個味。而蜜糖芥末個芥末味都幾出，正🤤.小食韓式泡菜柚子醋沙律芝麻菠菜韓式酸蘿蔔蜜糖牛油粟米🌽好記得食第一啖酸蘿蔔個陣，同個fd都不約而同嘩咗一聲，夠酸勁開胃同解膩解辣。而個菠菜都唔錯，食多啲菜呃自己今餐都唔係好邪惡姐🫣.