蟹慶 (已結業)

同朋友提早一齊慶祝就嚟咗食蟹宴🦀 一入門口就會見到好多由日本直送既活蟹，裝修舒適寬敞，有唔少卡位設計，私隱度高，慶祝一流呢🥰✨ 夏慶 ($899/ person)❀ 蟹肉柚子沙律｜前菜 🥗沙律入面有唔少蟹肉、蟹籽及柚子，味道酸甜清新好開胃，旁邊仲有牛蒡漬及芥辣八爪魚兩款前菜☺️❀ 刺身 🐟厚切刺身好新鮮😍 有三文魚、帆立貝、赤蝦及深海池魚，特別鍾意鮮嫩彈牙既赤蝦及肥美既深海池魚❀ 鵝肝魚籽蒸蛋 🥚蒸蛋好香滑，加入鵝肝及三文魚籽，入口鮮味濃厚🥰 入面仲有元貝及菇粒，好足料呢～❀ 時令蟹 🦀最期待既毛蟹，賣相勁吸引💕 原隻蒸毛蟹拆肉，有滿滿既蟹膏及蟹肉，食得出其原汁原味既鮮味✨ 上面配上柚子醋啫喱及蟹籽，啖啖都食得好滿足😍 另外亦可蘸上水雲醋令鮮味倍增😝❀ 松葉蟹腳雜錦天婦羅 🦀炸粉夠薄又香脆，有炸蟹腳、蝦、秋葵及南瓜，蟹腳保持鮮甜多汁，蝦肉好爽彈，秋葵及南瓜都唔錯👍🏻❀ 明太子蘆筍 🥢蘆荀食落好清爽，蘸滿明太子食更惹味❀ 名古屋汁燒穀飼牛扒 🐮牛扒煎至粉嫩，肉質軟嫩多汁，醬汁香濃入味❀ 鯛魚白湯 🥣❀ 蟹肉稻庭冷烏冬 🍜烏冬口感彈牙，入面有蟹肉、蟹膏及三文魚籽等配料，啱晒依家既天氣食！❀