影片
更多
2024-03-16
20 瀏覽
一直都好鍾意食蟹，朋友介紹食銅鑼灣蟹慶，真係非常唔錯。行樓梯落去一路都係蟹裝飾，仲有隻大蟹掛在天花板上，好有氣勢，入到去水箱養住好多好蟹，設有好多卡位，仲提供蟹公仔打卡，裝修好有日本特色。特選會席套餐 💰HKD1988二人前包括：松葉蟹肉三文魚籽沙律、蟹肉多士季節刺身3點、黑魚子海膽蟹肉蒸蛋日本時令活蟹、松葉蟹甲羅燒浜燒鱈場蟹、松葉蟹釜飯湯、甜品店員態度超級好，好主動幫我哋換碟。松葉蟹肉三文魚籽沙律 用咗好多松葉蟹肉同三文魚籽，配牛蒡、螺肉，清爽開胃。蟹肉多士 拆咗嘅蟹肉同蟹籽鋪在多士上，配咗芝士粒粒，口感層次豐富。黑魚子海膽蟹肉蒸蛋 熱辣辣蛋滑，充滿鮮甜味，用咗黑魚子、海膽和蟹肉，非常矜貴。日本時令活蟹 今日嘅時令活蟹系毛蟹，好大隻毛蟹已經剪好，方便我哋食，先食勁豐富嘅蟹膏，啖啖滿足，蟹肉高質，蟹腳都拆到好多蟹肉出嚟，大大滿足！松葉蟹甲羅燒呢道菜系我最鐘意，佢配有兩塊米餅，葉蟹膏極鮮甜，加入松葉蟹肉同蔥花，用味噌調味，鮮味濃郁，勁好食。浜燒鱈場蟹腳 蟹腳已經剪好，方便我哋食，食落啖啖肉，肉質鮮甜。松葉蟹釜飯 釜飯熱辣辣上枱，仲配蟹鉗，賣相唔錯，店員幫我哋用黑松露、魚籽同蔥花撈飯，態度
一直都好鍾意食蟹，朋友介紹食銅鑼灣蟹慶，真係非常唔錯。
行樓梯落去一路都係蟹裝飾，仲有隻大蟹掛在天花板上，好有氣勢，入到去水箱養住好多好蟹，設有好多卡位，仲提供蟹公仔打卡，裝修好有日本特色。
特選會席套餐 💰HKD1988二人前包括：
松葉蟹肉三文魚籽沙律、蟹肉多士
季節刺身3點、黑魚子海膽蟹肉蒸蛋
日本時令活蟹、松葉蟹甲羅燒
浜燒鱈場蟹、松葉蟹釜飯
湯、甜品
店員態度超級好，好主動幫我哋換碟。
松葉蟹肉三文魚籽沙律 用咗好多松葉蟹肉同三文魚籽，配牛蒡、螺肉，清爽開胃。
蟹肉多士拆咗嘅蟹肉同蟹籽鋪在多士上，配咗芝士粒粒，口感層次豐富。
黑魚子海膽蟹肉蒸蛋 熱辣辣蛋滑，充滿鮮甜味，用咗黑魚子、海膽和蟹肉，非常矜貴。
日本時令活蟹 今日嘅時令活蟹系毛蟹，好大隻毛蟹已經剪好，方便我哋食，先食勁豐富嘅蟹膏，啖啖滿足，蟹肉高質，蟹腳都拆到好多蟹肉出嚟，大大滿足！
松葉蟹甲羅燒呢道菜系我最鐘意，佢配有兩塊米餅，葉蟹膏極鮮甜，加入松葉蟹肉同蔥花，用味噌調味，鮮味濃郁，勁好食。
浜燒鱈場蟹腳 蟹腳已經剪好，方便我哋食，食落啖啖肉，肉質鮮甜。
松葉蟹釜飯 釜飯熱辣辣上枱，仲配蟹鉗，賣相唔錯，店員幫我哋用黑松露、魚籽同蔥花撈飯，態度好nice
汁物 鯛魚湯，鯛魚肉質扎實，非常鮮甜。
甜品 連甜品都好高質，系抹茶奶凍加一粒蕨餅，抹茶味好突出。
張貼
