鮨本

營業中

休息中

今日lunch約埋朋友來食好野，好耐冇食過日本魚生，趁住今日中午有空，特登預早book位，來個happy monday lunch！呢到裝修好優雅，超級有日本feel。螢光魷魚茶碗蒸好特別，係我第一次食嘅組合，有濃濃嘅魷魚膏味，另d蛋更加creamy。馬友一夜燒配lime個魚味更加突出，外皮超級脆，但肉就保持到好滑身。松葉蟹生菜卷個樣有d似高級燒賣，整粒放入口食，蟹嘅清甜味夠濃，生菜有微微脆嘅口感，一齊食好好味。壽司我覺得所有都好好食，但最令我印象深刻就係： 北海道甜蝦昆布漬，沙甸魚，天然帆立貝，煙燻鰆魚，大toro，馬糞海膽同鮟鱇魚乾手卷。最後用個奶白魚湯結尾好適合！因為朋友唔識雪糕又唔飲咖啡，所以將佢杯熱咖啡都俾埋我，咁我就可以又食海鹽雪糕，又飲咖啡！