雞翼山 (謝斐道) (已結業)

今日去咗銅鑼灣食雞翼山， 作為一個下午茶，佢係一個幾好嘅選擇， 不過就冇位坐 全程要企，因為店舖唔大。今次叫咗佢嘅菠蘿啤酒雞翼，感覺啤酒味唔重，但係上面就有滿滿嘅菠蘿，味道算唔錯酸酸甜甜係炸嘅都幾脆。定係嗌咗韓國蟹膏雞翼 ，上面有濃厚嘅蟹膏，再加埋脆脆嘅雞翼皮， 蟹柳絲配搭住蟹籽，味道簡直一流， 我個人覺得最好食就係呢一個。 第三款雞翼我嗌咗玫瑰蜜糖雞翼， 呢個係烤雞翼， 用蜜糖烤到個皮脆一脆， 味道都算唔錯。 呢個餐送咗一杯嘢飲，我叫咗士多啤梨石榴梳打， 士多啤梨味濃， 不過自己覺得有少少似藥水味。