麻辣風雲 (京都廣場) (已結業)

今日同男朋友放假就出左去銅鑼灣，行下街順便係附近揾左間食麻辣菜嘅餐廳食飯。依間餐廳入到去個裝修都好有特色，仲係好有古色古香嘅感覺！麻辣夫妻肺片＄68夫妻肺片裏面嘅牛舌牛展幾爽口，麻辣汁夠哂麻，唔飲凍飲頂唔順，下次試埋雞腎！香辣茶碟炒蝦$188呢個香辣茶碟炒蝦係炒製過茶葉，配上蝦肉，濃濃的茶葉香，同辣椒非常夾，好香脆好有層次!自選干鍋蓮藕片，牛片，牛柏葉，豚肉，枝竹。牛肉片係滑牛嗰種牛肉都幾滑身，蓮藕片好爽口，整體覺得乾鍋係咁多樣嘢入邊最有驚喜！記得訂枱，夜晚都好多人等位，干鍋真係幾好食！整體來講質素都算唔錯，環境都幾乾淨嘅。