影片
更多
2023-07-08
63 瀏覽
今日去咗呢間位於銅鑼灣由日本人主理嘅炸串專門店。個人嚟講味道同日本食過嘅不大分別。今次坐嘅係吧枱，可以全程見到廚師s料理食物，環境同日本一啲酒場、居酒屋嘅氣氛相似，亦有唔少日本人捧場。☄️明太子芝士玉子燒（$98）玉子燒表面用咗明太子沙律醬，裡面有明太子同芝士作餡料，份量十足！☄️炸粟米芯（$68）粟米芯清甜爽脆，食落唔會太過油膩，隨碟有鹽、燒汁提供，兩款都咁夾！☄️脆炸澤蟹（$108）蟹仔細細，但估唔到食落香口之餘又有蟹味，幾有驚喜。不過食嘅時候要小心啲，因為蟹鉗同蟹殼可能會𠝹口。☄️雞泡魚干（$88）雞泡魚干甜甜咸咸，加埋沙律醬，作為前菜超開胃！一句講哂，送酒一流！！☄️鹽燒牛舌（$98）牛舌表面附有蔥花，正常發揮，冇太大驚喜。☄️炸串（～$15-$50/串）炸串係炸好一盤上，店員會逐一說明炸串種類。炸串薄粉，配上店舖特製醬汁非常香口！個人最推薦嘅係「日本雞蛋豬肉卷」（$38），表面炸皮熱辣脆口，蛋黃流心口感豐富！☄️🥇博多牛腸鍋 - 味增湯（$320）個人最推薦就係牛腸鍋，水滾後30秒就食得！鍋內除咗牛腸之外，仲有滿滿嘅芽菜、椰菜同明太子！湯底濃郁食落極惹味，配飯同烏冬都係一絕！！☄️ Froz
☄️明太子芝士玉子燒（$98）
玉子燒表面用咗明太子沙律醬，裡面有明太子同芝士作餡料，份量十足！
☄️炸粟米芯（$68）
粟米芯清甜爽脆，食落唔會太過油膩，隨碟有鹽、燒汁提供，兩款都咁夾！
☄️脆炸澤蟹（$108）
蟹仔細細，但估唔到食落香口之餘又有蟹味，幾有驚喜。不過食嘅時候要小心啲，因為蟹鉗同蟹殼可能會𠝹口。
☄️雞泡魚干（$88）
雞泡魚干甜甜咸咸，加埋沙律醬，作為前菜超開胃！一句講哂，送酒一流！！
☄️鹽燒牛舌（$98）
牛舌表面附有蔥花，正常發揮，冇太大驚喜。
☄️炸串（～$15-$50/串）
炸串係炸好一盤上，店員會逐一說明炸串種類。炸串薄粉，配上店舖特製醬汁非常香口！個人最推薦嘅係「日本雞蛋豬肉卷」（$38），表面炸皮熱辣脆口，蛋黃流心口感豐富！
☄️🥇博多牛腸鍋 - 味增湯（$320）
個人最推薦就係牛腸鍋，水滾後30秒就食得！鍋內除咗牛腸之外，仲有滿滿嘅芽菜、椰菜同明太子！湯底濃郁食落極惹味，配飯同烏冬都係一絕！！
☄️ Frozen Draft Beer（$68）
店內除咗日本酒同梅酒外，啤酒種類亦十分多，有超過10款以上嘅口味。啤酒表面附有雪芭，今次我哋叫咗熱情果同香蕉味，兩杯都帶有果香，又唔會蓋過啤酒原有味道，啱哂女仔飲。
總括嚟講舖頭適合同朋友聚餐，放工飲酒啤一啤。店員亦會按照客人進食速度上菜，英文、日文、廣東話都可以溝通，服務態度一流。
張貼
