麻辣派對 (金百利廣場) (已結業)

鑼灣金百利好多嘢食，今晚揀了食麻辣派對。餐廳裝修佈置得很有心思，亦都很有 浪漫氣氛，雖則時間比較早，入嚟見到都有好多人。 Menu 好多選擇，水煮魚有多款味道，有水煮味、酸菜味、鮮椒味、蕃茄味等。平時食水煮魚，未試過蕃茄味，所以今次就試嚇新味道。要了水煮魚及古法咕嚕肉。蕃茄味江團魚水煮魚$198上枱見到一大盤，份量足，要了小辣，但入口辣度是微辣，湯底顏色茄紅色，味道偏甜，裏面有秀珍菇、芽菜、水晶粉、魔芋、蕃茄……等。江團魚切得頗大件，厚切，份量也頗多，肉質腍滑，頗有鮮味。古法咕嚕肉$88裏面有青紅椒、酸蕎頭、酸薑等，咕嚕肉切成長條形，頗大件，剛剛炸起，入口還帶熱，外脆內嫩肉質帶爽，酸酸甜甜，醃得也頗入味，配食酸酸甜甜的配菜剛剛好，可解滯。現在天氣熱辣辣，配埋個冰凍的飲品及餐廳送上的凉爽冰甜的冰粉，最適合不過了。