Hungry Korean (渣甸中心)

營業中

休息中

我大肚嗰時成日都會去幫襯hungry korean，一嚟佢係fast food restaurant，可以食飽飽快啲返屋企休息。二嚟佢嘅份量可以滿足到我。三嚟佢味精同糖分唔多，啱哂當時好需要健康飲食嘅我。已經都有半年以上無幫襯，難得今日係銅鑼灣收工，就入去捧下場。之前都係幫襯開晚市，發現原來佢有做下午茶優惠，同晚餐餐牌一樣的所有item便宜$10，而且下午茶時段至5:30pm。喺而家晚市仲未開返嘅情況下入去食個early dinner都幾抵。💎 泡菜湯我仲加咗韓式粉絲。有豆腐兩塊，少量肉，泡菜同粉絲，再配上一碗白飯。下午茶價錢，但份量同晚餐一樣大。泡菜湯辣度適中，韓式粉絲索哂泡菜湯好味道，基本上唔食白飯都夠飽。💎 韓式飯捲我揀咗雞肉做餡，除咗雞肉都幾多材料，仲有菠菜，雞蛋，青瓜，紅蘿蔔。食落甜甜地又咸咸地，飯捲厚實，口感豐富。人均消費💰 ： ＄ 42總結✍ ： 佢唔算濃味，以呢個價錢同飽肚程度磪實係值回票價。