鋒哥廚房 (已結業)

過年🧧同親戚係鋒哥廚房食飯，鋒哥呢度咩都有得食，食完又唔駛洗，啱晒🤭，而且仲要好好味喎，當然係過嚟食啦！今日食呢個豐盛啦！鋒哥廚房的招牌烤魚set，有烤魚，有雞煲，又有任食火鍋🍲，超多款生啤🍻任飲，多款海鮮任食，安格斯牛頸脊又無限追加，未食已流定口水🤤！🐟先黎個蕃茄烤魚，雖然只得一鍋，但份量好的，材料足。魚肉鮮嫩幼滑，充滿魚油，蕃茄湯酸酸甜甜，開胃又嘢味，入邊仲有薯仔和蕃茄材料十足。湯底完全可以當湯飲，真心超正！🥘麻辣雞煲任食無上限，唔夠再添食，雞又嫩又滑，味道又香又麻，辣味夠勁道，大人食得好滋味。🍲打邊爐有一個自選免費湯底，我哋要皮蛋芫荽湯，清香十足，味道濃郁，同任何材料都咁夾，海鮮有青口，海蝦，沙白蜆，帶子，生蠔，新鮮又鮮甜。安格斯牛頸脊肥瘦適中，甘香鬆化味濃郁。仲有牛柏葉和生菜🥬都好好味。