盛記酒家

營業中

休息中

今日同家人食晚飯，揀咗我地都喜歡嘅灣仔呢間老字號中式酒樓，點咗幾款小菜四個人食。金薯牛柳粒$148好有鑊氣，牛柳粒好腍，薯仔粒粉粉，少少黑椒微辣加上蜜汁夠惹味。香煎蓮藕餅$148 煎得金黃香脆，好香口。蓮藕粒爽口加上豬肉肥瘦適中，肉汁豐富，好甘香。蝦醬香蝦骨 $148 係蝦醬炸五花腩，五花腩經過炸之後，肥膩感已大大去除，好香口，加上蝦醬鹹香鹹香，非常惹味。蒜香爆龍躉球$288 煲仔好有鑊氣，加上香蔥同蒜，超香龍躉球厚肉，魚皮滿滿骨膠原，魚肉新鮮鮮味。xo 醬海皇炒飯 $168香氣撲鼻， XO醬微辣鮮香均勻沾上梅粒飯粒，炒飯炒得粒粒分明，而且充滿蛋香，而且仲有好多鮮蝦及帶子粒做配料，非常好吃。最後，店員仲送糖水俾我哋，花生麥米粥，甜度適中，麥米有咬口，很不錯的甜品。