六十六十火鍋 (已結業)

長沙灣深水埗係美堂嘅集中地就人人都知，今日去到四維都係糖水鋪嘅長沙灣深水埗交界，位置宇宙廣場隔離嘅「六十六十火鍋」。今日放假，六點佢一開門就入去。坐低就即刻睇下有咩食。wow，好似樣樣都好正咁。有勁多款嘅海鮮食，我就揀左以下果啲：椰子文昌雞鍋底：好香椰香，入黎仲有竹苼，正啊！雞件又滑又好味，無揀錯！仲有姐姐教路煮五分鐘就熄火，服務幾好！鮑魚：以為會好un,點知跟餐廳嘅meun煮，又好易入口喎！聖子、蝦、蠔、花甲：鮮！唔錯！北寄貝：大有驚喜！好甜好鮮！極度推介！其他配料肥牛：打邊爐必食之選。碌幾秒，放入口就又好食又滑，大家記得夾住黎落架，如果唔係唔見左，就會太老太熟架喇。西班牙梅頭肉：又係驚喜之作。平時啲豬肉都要煮好耐，佢今次薄薄地切出黎，又易煮又易入口，一定要揀啊！鮮冬姑鮮淮山：好甜！最重要係吸晒個靚湯底啲味，好正啊！手打墨魚滑：細細粒，幾好食，冇雪味