花說 (已結業)

入到餐廳得幾張枱 坐左係落地窗邊嘅吧枱 高櫈一坐上去好唔穩陣搖下搖下 叫左兩個牛油果黑松露炒蛋all day breakfast... 等左15分鐘 都算快... 首先拎起刀叉 發現把刀有啲手指模同跡 感覺好唔乾淨 咁就放低唔用算 食食下先發現無左牛油果🥑 相信係店員忘記左加... 因為樓面店員全部係廚房整野就廢事再叫佢地... 食完飲埋杯野就快快走人，因為餐廳坐得好唔舒服 張櫈搖搖下咁 地下又有黑色污跡 空氣又唔好 可能因為open kitchen 關係... 再講下店員 全部黑口黑面咁 問乜都話要問下先.. 好似唔係一個店員咁🤷🏻‍♀️ 總括黎講：唔會再去多次 啲裝修好似全部淘寶野 除左全部粉紅色 真係無乜特別 屋企都好輕易做倒嘅事