影片
更多
2023-02-14
2202 瀏覽
清吓啲大假，就同老婆入嚟長洲宅渡假一下，點解揀長洲，因為都十幾年無入過嚟，睇吓變化有幾多，所以，專登請日假，星期五入，星期六走，諗住無咁多人，無咁擠逼。因為得兩公婆，都喺輕鬆自在遊，亦專登逛到2:00pm先食晏。「餃子冰室」一早就定好嚟試，一來睇見啲食評覺得頗有特色，二來餃子喺老婆喜愛嘅食物，而佢更喺長洲嘅人氣店。 鋪面就擺晒啲餐牌、食物相出嚟，既吸引啲遊人，亦讓等位嘅客人可以諗吓食乜，不過，今日喺閒日，又過咗飯市高峰時間，喺無人排隊，裡面仲有好多空位添。 裡面地方唔大，我哋被安排坐晌近門口嘅二人單向卡位，可謂自成一角。無行到入去，但目測估計都喺十多個位左右。環境比較昏暗，牆身貼滿好多食物相、餐牌……等等，而我哋個位，枱上擺咗個餃子模型同懷舊電話，後生一輩大多數都未見過，仲有自家製辣油同酸醋。既然喺以餃子為主打，菜式就以餃子搭配其他食物成為各款套餐，如酸辣湯、黑醬油雞飯、糖醋骨飯，而餃子更有成11款之多，標明全手工製、無添加，不過，未必有齊晒，睇睇門口個餃子剩餘數量牌就知邊一款仲有貨。 由於唔算多客，就算即叫即做，啲食物都算快嚟齊晒。我哋叫咗兩個餐，老婆鍾意食餃子，就點咗10隻餃子套餐
鋪面就擺晒啲餐牌、食物相出嚟，既吸引啲遊人，亦讓等位嘅客人可以諗吓食乜，不過，今日喺閒日，又過咗飯市高峰時間，喺無人排隊，裡面仲有好多空位添。
裡面地方唔大，我哋被安排坐晌近門口嘅二人單向卡位，可謂自成一角。無行到入去，但目測估計都喺十多個位左右。環境比較昏暗，牆身貼滿好多食物相、餐牌……等等，而我哋個位，枱上擺咗個餃子模型同懷舊電話，後生一輩大多數都未見過，仲有自家製辣油同酸醋。
既然喺以餃子為主打，菜式就以餃子搭配其他食物成為各款套餐，如酸辣湯、黑醬油雞飯、糖醋骨飯，而餃子更有成11款之多，標明全手工製、無添加，不過，未必有齊晒，睇睇門口個餃子剩餘數量牌就知邊一款仲有貨。
由於唔算多客，就算即叫即做，啲食物都算快嚟齊晒。我哋叫咗兩個餐，老婆鍾意食餃子，就點咗10隻餃子套餐；我就揀咗個配湯、配飯嘅餃子套餐，淨喺食餃子怕唔夠飽，咁樣又可以一次過試多幾樣嘢。
餃子套餐 E $66套餐包咗一碗酸辣湯、自選口味6隻餃子、黑醬油雞飯 / 糖醋骨飯及一杯餐飲，嚟齊之後影番合照，睇落都真喺幾豐富，最緊要個飯無話因套餐好迷你，所以，食完就一家夠晒飽。
餃子套餐 E
$66
33 瀏覽
1 讚好
0 留言
餃子口味就選咗黑白土匪餃，需另加$6，同埋只限半煎炸，怕熱氣或只食蒸餃嘅客人就無緣一試。嚟到隻隻漲卜卜，色澤唔算好金黃，但夠平均，灑多少少黑白芝麻就仲好。咬落外皮好脆口，但多點韌性，而且唔油膩，而雞肉餡滲出重重嘅孜然味，亦好夠肉汁，確喺幾正喎。
糖醋骨就大概知喺咩啦，所以，揀黑醬油雞飯。果然喺黑醬油，色澤好黑，食落帶少少甜味，有啲似食海南雞時嗰一款黑醬油咁，質感比較濃稠厚身，帶甜，配上嫩滑嘅雞肉，感覺唔錯喎，伴兩片青瓜，幾啖雞後又可以清清味蕾。
餃子套餐 H $66想一次過食多啲餃子，揀呢一款10隻餃子套餐就最啱，唯可惜口味無得雙拼，順帶一提，雖然話就話可以任揀11款餃子口味，但要留意有一半以上款式喺需要另外加錢。不過，山長水遠嚟得試，都唔會咁斤斤計較喇。
餃子套餐 H
$66
35 瀏覽
0 讚好
0 留言
四季春茶、蘋果綠茶所有套餐均送是日飲品，其實，都有其他嘢揀。是日飲品喺四季春茶，因為天氣咋暖還寒，所以，要杯熱嘅，但原來喺無熱，只有暖暖哋，相信喺預早沖泡一大壺應付飯市，味道都OK，茶香唔算話好突出；另一款要咗蘋果綠茶，原來喺「維他」紙包，哈哈！
事後向店員查問，煎餃同蒸餃層皮喺咪唔同，因為食落覺得前者喺厚少少，韌性強啲，後者就薄啲，滑身啲，回答喺兩款皮嘅成份、做法唔同，可見小店嘅製作喺幾認真。整體而言，餃子喺做得有誠意、有水準，當然，如果有雙拼就更正啦。
張貼
