OXY CHEUNG CHAU

營業中

休息中

長洲除咗食海鮮、搶包山、買海味之外知唔知道仲有啲咩特色？“陳皮咖啡”就係呢次想講嘅特色啦！呢間位於長洲泳灘外嘅café,主理人係九十後的精品咖啡師，設計出一系列創新嘅咖啡，店舖係大自然裝修風，非常別緻。宜家仲有蛋糕、窩夫、手抓餅等小食！🥤Matcha latte 抹茶嘅濃郁香氣配上鮮奶，實在令人無法抗拒！🥤糖漬檸檬梳打小店特色之一，以秘制蜜糖漬檸檬配上梳打，清甜得嚟微酸，實在係夏天嘅好朋友！🧁特色croffle 非常值得推廣！佢唔係一般嘅窩夫，餅底鬆軟酥皮咁嘅感覺好似食緊可頌！面頭有新鮮製作嘅忌廉，而我嗌嘅係榴槤味同埋近來大熱嘅開心果味！口感非常豐富濃鬱！而且套餐只係加廿幾蚊就可以食到！🥞肉鬆手抓餅呢度嘅手抓餅即叫即制，配有肉鬆芝士雞蛋同埋其他醬料,好脆好好食！製作好有心機值得大家一試！🥥原個椰皇燉鮮奶夏天喺海邊你哋除咗飲嘢之外，想食到啲咩？冇錯！一定係椰皇！呢度椰皇燉鮮奶每日限量發售十個，好搶手㗎！店舖曾經為電影嘅拍攝場地，係打卡嘅熱點！另外仲有大量嘅手沖咖啡可供選購回家，咁就喺屋企都可以飲到一杯靚咖啡啦！下次試下佢嘅陳皮咖啡先🥰