影片
更多
2006-11-25
6 瀏覽
今日一心走黎大坑食車仔腸粉,只可惜行勻都唔見,另一間炳記又高朋滿座,轉轉下見到呢間座落街角小餐室,最重要係無人嘛!!環境的確好清靜,揀左個自閉位坐,感覺超free!!靚靚小姐比個menu我,推介假日brunch,原來都有幾款brunch選擇,最後揀左呢個好似叫"chef's special"。凍咖啡先到,先飲一啖原味,好香咖啡味而且唔酸,有水準;加上凍鮮奶同一種金黃色唔知係蜜糖定糖漿之後,又係另一種味道,唔錯!等左一陣,由廚師哥哥親自送上食物,好香呀!!!先試沙律菜,新鮮爽脆,再加上我鐘意既黑醋,酸酸甜甜好醒胃!蒜蓉包好多蒜,麵包香脆,雖然油左少少但好味!!炸薯皮新鮮炸起金黃香脆,薯仔夠淋;炒蛋炒得好靚唔太油,口感幾嫩滑,最重要係有蛋香,雖然未夠上個月係清境食既蛋咁香,但已經唔錯!蜜糖腸煎得夠香,呢款香腸一向都係我所好,所以一定覺得好食;豬柳一般啦,無乜特別。呢度食物款式唔多,不過出品都相當精緻,最起碼吸引到門外交更的士司機叔叔係窗外裝我碟brunch,跟住"直豎姆指"!哈哈~~
環境的確好清靜,揀左個自閉位坐,感覺超free!!靚靚小姐比個menu我,推介假日brunch,原來都有幾款brunch選擇,最後揀左呢個好似叫"chef's special"。
凍咖啡先到,先飲一啖原味,好香咖啡味而且唔酸,有水準;加上凍鮮奶同一種金黃色唔知係蜜糖定糖漿之後,又係另一種味道,唔錯!
等左一陣,由廚師哥哥親自送上食物,好香呀!!!先試沙律菜,新鮮爽脆,再加上我鐘意既黑醋,酸酸甜甜好醒胃!蒜蓉包好多蒜,麵包香脆,雖然油左少少但好味!!炸薯皮新鮮炸起金黃香脆,薯仔夠淋;炒蛋炒得好靚唔太油,口感幾嫩滑,最重要係有蛋香,雖然未夠上個月係清境食既蛋咁香,但已經唔錯!蜜糖腸煎得夠香,呢款香腸一向都係我所好,所以一定覺得好食;豬柳一般啦,無乜特別。
呢度食物款式唔多,不過出品都相當精緻,最起碼吸引到門外交更的士司機叔叔係窗外裝我碟brunch,跟住"直豎姆指"!哈哈~~
張貼
