甘味處鎌倉 (希慎廣場)

營業中

休息中

去咗銅鑼灣希慎廣場新開既B1，有好多小檔攤，近住地鐵🚇出口就係甘味処鐮倉，出名蕨餅，排哂大隊，因為我急尿，所以去咗厠所先返嚟排，點知返到嚟就有個burberry姨姨出嚟話賣哂叫我地唔洗再排，再貼埋售完牌出嚟，我就起哄，點知burberry姨姨好好👍🏻人話賣埋俾我，人間有情🥰。排到我俾錢🤌時，個收銀姐姐🧍‍♀️同我講賣哂，我即刻同佢講返話burberry姨姨話賣埋最後嗰盒俾我，咁啱burberry姨姨pack緊蕨餅，佢聽到話我係最後先買到，因為10件裝賣哂，唔洗諗木盒（$108）定非木盒（$88），只有5件裝（$58），burberry姨姨問我仲買唔買，我話乜都要，加埋自家製黑蜜（$10），俾埋錢食埋飯就拎返屋企，點知屋企人瞓晒，收銀姐姐🧍‍♀️話可以😌放室溫，所以照放廳隔夜攞返出嚟食。D黃豆粉有d痴，加埋黑蜜落去一齊食，質感似食啫喱，清涼，好治癒，一家人食，5件剛剛好，因為每件都大，10件就覺得太多