新匯江美食中心

營業中

休息中

一間睇落平平無奇嘅茶餐廳，往往都係有鑊氣又平靚正嘅茶記。基本上係佢地社交平台可以睇到佢哋定期換嘅午餐Menu，好多都好吸引揀唔落手《叉燒滑蛋飯》叉燒係偏瘦嘅，冇話半肥瘦亦都唔係咩蜜汁叉燒，但係滑蛋就真係好滑，份量夠多，送飯一流！《吉列帶子黑椒牛扒飯》有兩粒吉列帶子，普普通通都過得去～黑椒牛扒就真係唔錯，好厚實就唔會，但係都唔會硬，仲有牛味，黑椒味都幾香～《印度咖喱雞皇飯》呢款咖喱雞皇飯算係比較特別，但係啲香料味都唔錯，而且雞嘅份量都幾多，又係超好送飯！lunch一流～～其實都試過幾次其他嘅lunch，都係多汁又夠味好好送飯，有鑊氣得來又一定食得飽！