上勝日本料理 (昌隆工業大廈) (已搬遷) 新店位置

週末無lunch set，座位下有位置放袋幾好，牆身壁畫既和風味濃，背景播住日文歌，環境不錯啦，但坐耐有油煙味，通風系統有待改善。極上牛肉冷麵$68雞蛋係半白烚蛋，芝麻醬配冷面不過不失吧。特上海膽丼$80丼飯用既係赤醋，味道比較濃，所以都無再加配日式醬油，配料頗為豐富，有海膽、牡丹蝦、帶子、三文魚籽、蟹籽、玉子。可惜帶子同蝦都好腥，海膽出左水感覺亦唔新鮮，成個飯變左有腥味食唔到底。由於飯用赤醋味道濃，反而配玉子好配飯，個人認為要角切魚生先用呢個飯比較好。蟹籽沙律$10所有飯可以追加$10配上蟹籽沙律，大部分係青瓜，只有少量蟹柳絲。