漁樂 (已結業)

約咗朋友去長洲行下，朋友星期六收工趕快船， 咁就梗係冇食晏啦， 喺船度拎電話出嚟"搵食"﹐ 我好膚淺㗎咋~而家都仲係會介意幫襯啲鋪有幾x鍾意香港，望一望個app 長洲比我想像中更鍾意香港， 最後決定揀呢間近近哋嘅~漁樂， 即係有種心態去離島 應該食魚~舖頭離碼頭真係幾近，對面有一間茶餐廳坐滿人， 但係呢間舖當時就只係得一枱客， 冇飯食可能係一個重要原因； 老闆出嚟好熱情嘅招呼問我哋幾多位， 幫我哋擔好凳 然之後拎ipad出嚟介紹 ﹐嗰日嗰度得四樣嘢食啫， 老闆話啲材料唔靚佢哋就唔會做 而且又不時不食， ok啦~試曬四样， 去櫃檯落order, 有連鎖咖啡店嘅感覺~會問問你叫咩名， 有菜上嘅時候會直接嗌你個名過去拎~好親切㗎叫咗三杯佢嘅茶， 佢哋講到明唔係落冰係真係雪凍嘅原汁原味; 第一個上係冰鎮鮑魚， 老闆再三強調鮑魚係熟嘅， 不應該係汁或者湯浸好切片， 好淋好滑好入味； 跟住上就係酥炸日本蠔， 炸漿佢溝得好好嘅，因為跟住來嘅八爪魚 出嚟嘅味道都非常之好，粉漿薄爽唔油唔會奪到主材料嘅味， 相對於八爪魚個蠔就反而冇咁特別， 咁當然材料都係新鮮嘅；最後上嘅係無骨 鱭魚， 呢個要一讚~ 魚