雞駅花膠雞米線專門店

營業中

休息中

過左午餐時間依然多人，兩點幾見到人龍係門口，不過等左一陣有位了👏🏻👏🏻悍匪雞翼$42四隻剛剛炸起，用上胡椒孜然好惹味，唔會炸到太乾，保持肉汁。麻藥蛋$28最愛食流心蛋，用上少少調味配搭，份量有兩隻，一啖一口。招牌花膠雞米線 配凍飲$76湯底雞味濃，完全無味精，有四五件厚切雞件😎花膠唔會吝嗇，加埋蟲草花及木耳，成件事好鮮味🐓藥膳黃酒花膠雞米線$68此款極力推介💪🏻黃酒好香濃，與雞湯米線係絕配，成碗湯飲晒，非常滋補😚好喜歡餐廳米線口感，彈牙又掛湯。