影片
更多
2014-01-18
4700 瀏覽
Happy Friday!!! 之前一晚食咗唔好味的潮州菜, 今晚唔可以再失手, 要選擇較為隱陣的, 嗯, 時間尚早, 去SimplyLife睇下Full晒未先...6:10pm 外圍好似已經坐滿人, 好驚呀!!!好彩店內仲有1張4人圓枱, 仲要靠近門口, 正呀!!!平時去其他餐廳坐大門口係唔會覺得正嘅, 但SimplyLife店內實在太昏暗, 影唔到相, 近門口仲可以鑿壁偷光, 靠商場的光線補一補光...都未坐定, 門口的人龍已開始形成...凍茶 或 汽水-- 檸檬烏龍茶, 檸檬味唔太突出, 一杯微甜的綠茶...餐前麵包-- 雙色麵包, 外脆內軟, 一定要勁塗又香又滑的牛油...是日餐湯 或 沙律-- 薯仔湯好粉, 有南瓜蓉, 甜甜地, 幾好味...美國自然穀飼豬扒, 燒意大利黃瓜, 蘋果醋汁 $198-- 上桌時被它嚇一嚇, 豬扒厚度驚人, 切開來看, 裡面都是熟的, 卻不會太韌或太乾, 只以香草調味, 味道略淡, 蘋果醋汁亦是很淡, 淡淡的豬肉味, 沒有半點膻... 燒意大利黃瓜爽脆多汁, 好鮮甜...雞胸意大利黑醋芝麻菜紐紋粉 $108-- 每次來都必吃, 但今晚嗅到酸味好重,
6:10pm 外圍好似已經坐滿人, 好驚呀!!!
好彩店內仲有1張4人圓枱, 仲要靠近門口, 正呀!!!
平時去其他餐廳坐大門口係唔會覺得正嘅, 但SimplyLife店內實在太昏暗, 影唔到相, 近門口仲可以鑿壁偷光, 靠商場的光線補一補光...
都未坐定, 門口的人龍已開始形成...凍茶 或 汽水
-- 檸檬烏龍茶, 檸檬味唔太突出, 一杯微甜的綠茶...
餐前麵包-- 雙色麵包, 外脆內軟, 一定要勁塗又香又滑的牛油...
是日餐湯 或 沙律
-- 薯仔湯好粉, 有南瓜蓉, 甜甜地, 幾好味...
美國自然穀飼豬扒, 燒意大利黃瓜, 蘋果醋汁 $198-- 上桌時被它嚇一嚇, 豬扒厚度驚人, 切開來看, 裡面都是熟的, 卻不會太韌或太乾, 只以香草調味, 味道略淡, 蘋果醋汁亦是很淡, 淡淡的豬肉味, 沒有半點膻... 燒意大利黃瓜爽脆多汁, 好鮮甜...
雞胸意大利黑醋芝麻菜紐紋粉 $108-- 每次來都必吃, 但今晚嗅到酸味好重, 有點Over, 我明明鼻塞, 點解會嗅得咁清楚嘅呢?!! 醬汁好杰身, 都沉在底部, 要先撈勻所有紐紋粉, 味道先會平均... 很香醇的陳醋, 酸酸的, 甜甜的, 蘸滿在紐紋粉上, 好開胃, 好好味... 雞胸的肉質當然是會有點o鞋...
甜品 +$12, 每次食完主菜都過飽, 再食唔落甜品...店員都是年輕小伙子, 態度熱誠, 說話有禮...
店內的坐滿顧客, 但都不會太嘈雜, Good Good...
結帳時店員送上精美利是封...
7:10pm離開, 門外的人龍已排到永X百貨, 好得人驚呀!!!
食飽飽, 係時候戰鬥啦~~~今朝報紙話UNY過年後會大變身, 面積縮水, 提醒大家去掃平貨... 我今晚行畢4層, 好彩都買到件心頭好, 2千幾蚊減到660蚊, 好抵呀!!!
張貼
