影片
更多
2022-11-17
3148 瀏覽
最近餐廳行政總廚李振龍師傅 揉合多種烹調技藝與食材，係經典名菜之中注人創新元素，推岀左𝙆𝙞𝙣𝙜𝙙𝙤𝙢 𝙏𝙧𝙚𝙖𝙨𝙪𝙧𝙚𝙨 𝙢𝙚𝙣𝙪，呈獻集大江南北之大成嘅全新八道菜式。每一道都相當有驚喜！各款菜式更可以單點！(下面附單點價錢 為一人份量) 呢個menu供應到12月9號咋！想食就要把握機會啦！佢地同時推岀左大閘蟹宴，所以即場嗌左幾道黎試下！cover嘅蟹粉小籠包就係其中一道啦！供應到12月18咋中菜廳裝潢富麗堂皇，樓底高，寬敞舒適具空間感。燈光昏暗 充滿情調，更設有半露天座位，情侶撐抬腳、放工同朋友chill一chill都一樣咁合適「味」遊大江南北 $13881️⃣花膠醉紅蝦麵 • 香草鮮核桃 $188上海名菜糟滷蝦嘅變奏版～紅蝦麵每日新鮮手打而成，口感軟身滑嫩。醬汁加入左由紅蝦蝦殼蝦膏煮成嘅蝦油、糟滷、指天椒，入口蝦味濃郁、鮮味十足。鮮核桃經烚過再以香草調味，清新無腥味~2️⃣富貴火方 $98家姐阿妹超喜歡嘅一道！閃令令嘅富貴火方 充滿貴氣！頂層嘅乳豬皮脆到食落咔咔聲，毫不油膩。中間係以桂花蜜烹製嘅火腿，帶蜂蜜香甜，尾韻帶鹹香。最底嘅米糕軟熟富彈性，糯米香相當突岀。整道口感味道豐富之餘，平衡
佢地同時推岀左大閘蟹宴，所以即場嗌左幾道黎試下！cover嘅蟹粉小籠包就係其中一道啦！供應到12月18咋
中菜廳裝潢富麗堂皇，樓底高，寬敞舒適具空間感。燈光昏暗 充滿情調，更設有半露天座位，情侶撐抬腳、放工同朋友chill一chill都一樣咁合適
「味」遊大江南北 $1388
1️⃣花膠醉紅蝦麵 • 香草鮮核桃 $188
上海名菜糟滷蝦嘅變奏版～紅蝦麵每日新鮮手打而成，口感軟身滑嫩。醬汁加入左由紅蝦蝦殼蝦膏煮成嘅蝦油、糟滷、指天椒，入口蝦味濃郁、鮮味十足。鮮核桃經烚過再以香草調味，清新無腥味~
2️⃣富貴火方 $98
家姐阿妹超喜歡嘅一道！閃令令嘅富貴火方 充滿貴氣！頂層嘅乳豬皮脆到食落咔咔聲，毫不油膩。中間係以桂花蜜烹製嘅火腿，帶蜂蜜香甜，尾韻帶鹹香。
最底嘅米糕軟熟富彈性，糯米香相當突岀。整道口感味道豐富之餘，平衡得好好
3️⃣茶香竹笙肝膏湯 $298
四川傳統竹笙肝膏湯 以豬肝入饌，師傅則以雞肝取代，內臟腥味較淡之餘，口感亦較為順滑。湯清徹透到可以見到個肝膏係底。味道鮮美帶淡淡茶香，feel到毫無味精
4️⃣龍皇披珍珠甲 $398
極具心思功架嘅一道！師傅採用日本炸天婦羅烹調方法，為厚肉彈牙嘅海參披左一層薄脆透明嘅珍珠甲，海參中間仲釀左彈牙蝦膠。而最底就鋪左係軟彈冬菇、爽脆筍等配料，以辣椒油作點綴。層次不得了
5️⃣黑松露脆皮江南百花雞 $168
大家知唔知 其實江南百花雞係無雞肉架！呢道經典手工粵菜 將蝦膠釀入原隻雞皮蒸煮。師傅則將焦脆嘅雞皮舖係蝦膠混合墨魚膠、蘿蔔造成嘅「百花」之上。上層薄脆香口，下層彈牙帶鮮。配上鹹蛋黃粟米、濃郁黑松露醬、加入韭菜蓉嘅花椒醬，香氣十足
6️⃣泡椒M9和牛配蜂巢米粉 $198
蜂巢米粉採用雙面黃嘅烹調方法，厚身超索汁，同時保留到香脆嘅口感。和牛超軟嫩，加上以四川二荊條辣椒調配而成嘅泡椒，好惹味！不過就稍微搶過左牛味~
7️⃣鮮蟹肉科甲 $108
師傅以海帶取代金華火腿，無咁鹹之餘亦能提鮮。冬瓜軟腍多汁無渣，蟹肉挺鮮，清清地~ 清下味蓄準備食甜品
8️⃣老廣千層糕 •融匯 $108
甜品以懷舊千層糕 伴 合桃露與芝麻糊 作結~ 千層糕以鹹蛋黃、冰肉、雜果仁製成，口感鬆軟帶咸蛋香。合桃露芝麻糊則較稀，為求無咁甜膩無咁heavy。不過作為肥仔，我就prefer濃稠啲，同埋有啲唔夠滑。師傅仲好有心思咁伴上烤焗合桃，黎個首尾呼應
— — — — — — — — — — — — — ⠀⠀
🦀 蟹粉小籠包(一隻) $58
小籠包極足料！蟹味十足！唯獨汁唔夠多
🦀 蟹粉燴農家蛋豆腐 $238
同海參一樣披左層「珍珠甲」上層通透薄脆，底下豆腐軟滑，更有蟹粉增添層次
🦀 蟹粉扒豆苗 $268
蟹粉扒豆苗
59 瀏覽
0 讚好
0 留言
張貼
