伊間珈琲

營業中

休息中

伊間咖啡係佐敦Good day嘅姊妹店，舖頭依然一貫麻雀雖小嘅作風，但今次有9個位！用餐時間90分鐘，如果冇人等位可以坐耐啲。*開心果軟芝士蛋糕 $55招牌蛋糕果然招牌！消化餅餅底好脆又有牛油香，芝士蛋糕質地順滑，軟滑度啱啱好，配脆餅底完美！開心果味香濃，雖然有時會俾牛油香搶fo，配開心果碎食會更加濃味。黑芝麻曲奇 $48店員會烘熱塊曲奇，掰開一半會有半流心芝麻醬。表面鋪滿黑芝麻，入面有少少合桃碎，口感滿分。味道唔會甜，芝麻味又做到非常香濃。冇乜曲奇會有嘅牛油味，所以唔會好膩，係一塊相當出色嘅曲奇。Cold brew $75印象中係京都の一傳，Ethiopia嘅深烘咖啡豆，店員話好罕有，所以我成功被說服咗。飲落唔似咖啡，有種飲威士忌嘅感覺，但又有淡淡咖啡香味，好特別，但少貴。