Horizon

營業中

休息中

呢排開心果呢3個字好Hit 周圍都見到係公司隔離有間叫Horizon嘅蛋糕店 佢哋店鋪嘅社交平台每日都會UPLOAD是日供應嘅口味 見到今日有意大利西西里開心果軟心芝士蛋糕💚 LUNCH TIME就走上去買嚟試下門面望落簡單 裡面坐嘅位置亦唔多 但俾人一種度假打卡FEEL除咗賣蛋糕之外 呢度仲有教整蛋糕 所以裡面嘅廚房特別大意大利西西里開心果軟心芝士蛋糕外觀都岩曬打卡able 底層係鬆脆嘅開心果碎餅底 上面就鋪滿左開心果醬同開心果碎食落每一啖都感受到濃郁嘅開心果香 軟芝士口感順滑 食完開心果蛋糕繼續開心去返工😂佢哋仲有好多款卷蛋同唔同嘅蛋糕 食材原料唔會隨便轉 期待下次再試黑芝麻蛋糕🖤