La Serre

營業中

休息中

今目觀塘海濱Cosplay活動，動漫人唔同裝扮走來走去好搞笑海濱個環境好有feel。 同個朋友太肚餓，入咗去間露天餐廳幾吸引，印象中開咗好耐。大蝦蕃茄乾羅勒意大利扁意麵 大蝦有6大隻咁多好彈牙，汁底同linguine足夠水份，重點係本身linguine已經入晒味，麵條份量都大方足夠兩人份量。混合酸酸甜甜蕃茄乾加芝士粉一齊食入晒味。烤美國頂級安格斯肉眼扒 12安士食開Medium-well，容易切開，肉質幼嫩新鮮煙靭，煮得啱啱好，滿足滿足。醬汁剛好，擺盤乾乾淨淨，影相顏色都好靚，見到都吸引。最喜歡係佢有薯餅做配菜好味道，沙律新鮮份量都多。Virgin Lady Yoga (Mango Puree, Yogurt, Soda) 食完塊扒好滿足想飲啲果汁，叫咗杯芒果乳酪。隻杯肥嘟嘟好好揸，有一串水果豐富味蕾，有士多啤梨檸檬橙，不過芒果才是主角。