Season Plus (已結業)

雖然食lunch時間得一個鐘，又雖然我地4個女仔都係眼闊肚窄之人，但今日都同同事係season plus食semi-lunch buffet。主菜+沙律任食，價錢由98蚊到2百幾不等。我自己就簡左最平既pasta，因為主攻沙律，當然要食回本既Parma ham 同鵝肝醬，不過呢兩樣都refill得比較慢，好快俾人消晒。份量真係幾少下，不過都岩既，可以食多d沙律，味道無乜驚喜，正常普通肉醬意粉。同事食呢個帶子刺身丼，份量超大，食唔晒。另外仲送海鮮前菜，生蠔或凍蝦加翡翠螺，生蠔細係細隻無乜肉，我唔食既，同事話ok可以，呢個價錢無得投訴。凍蝦反而幾爽又甜，翡翠螺就有沙，要小心d食。