清真牛肉館 (打鼓嶺道)

營業中

休息中

下晝請假同太太閒遊，去到清真牛肉館位於打鼓嶺道分店，貪佢座位比較寬落。平日下晝有客飯套餐，包汽水或豆漿都係六十蚊有找，不過我地都係選擇散叫，諗住食完再轉戰其他小店。咖哩羊腩 - 我最愛冇椰汁而且香料味重既咖哩，羊肉羶味加上香料最適合我呢類重口味人士牛肉餅 - 應該係話瀨尿牛肉餅，一咬落去熱辣辣既湯汁四濺，饀料豐富，但留意唔好外賣攤凍，肉汁會被餅皮吸收變得難食蔥油餅 - 原本唔想浪費咖哩汁而叫，但蔥油味香又唔想俾咖哩淹蓋，最後都係分開食