龍門冰室 (已結業)

放假得閑黎到屯門行開，行到餓餓地，就決定食呢間龍門冰室，呢間冰室既環境唔錯，乾淨整齊企理。職員態度亦都好親切，而呢度點一個餐，有餐湯，又有沙律，簡直係服務周到啊！今日嘅餐湯係羅宋湯，酸酸辣辣，好開胃。而沙律嘅主要材料系粟米，雞蛋，感覺成個餐好有營養好健康。而主餐我就揀左黑松露蘑菇意粉，感覺呢個黑松露蘑菇意粉好惹味，蘑菇好新鮮，黑松露仲要將蘑菇嘅鮮味提高左，黑松露蘑菇同意粉嘅味道到真係好夾。爲左食一個更豐富嘅下午茶，緊係唔少得叫翻個小食啦！龍門冰室嘅蜜糖雞翼亦都系相當有水準架！ 燒到好香脆，甜甜地，好好味！本身蜜糖雞翼嘅味道本來就很好味，脆脆嘅表皮入口易，令人一口又一口咁食唔停，雞翼嘅肉都好入味。依家配上青芥醬，味道更係出乎意料之外地相配。其實筆者本來係愛辣之人，所以覺得特別好食，但唔中意食辣嘅人會覺得好辣！