影片
更多
2023-07-11
166 瀏覽
間唔中想食下啲特色菜，咁啱因為做嘢嘅緣故嚟到附近，就嚟咗呢一間由店面開始已經充滿着東南亞特色嘅印尼餐廳！🇮🇩炸魚三色飯 $158見到圖片已經忍唔住要叫！三色飯包括黃薑飯、斑蘭飯同埋椰汁飯，個人超好鍾意椰汁飯！甜甜地嘅奶味並唔會太膩，意外地同魚幾夾😌魚就炸得啱啱好，外脆內軟，每一塊魚肉調味適中偏咸，食落非常有特色，啱啱炸好嘅時候仲可以食埋啲細骨添🤣虎蝦花膠湯粉皮 $98本身諗住即管一試，睇吓$98嘅花膠湯麵係咩一回事，點知食落有意外驚喜！🤤湯底超濃郁，呈奶白色，飲落鮮味十足，相信湯底一定熬咗好耐！💕粉皮同虎蝦就相對失色，可能我哋掛住影相浸得耐，粉皮開始發脹，另外感覺虎蝦唔算太新鮮，食落有啲乾🥲柑桔青瓜冰 $28見到寫住必試就即管一試！成杯飲料由外表開始已經非常Fresh非常清爽，青瓜嘅味道非常出，所以好睇個人喜好🤔新鮮椰青 $38極度口渴嘅時候椰青水就不二之選，清新爽口，仲可以刮椰子肉食添😌班蘭千層糕 $25最後梗係唔少得最經典嘅印尼甜點千層糕！細細個工人姐姐成日整俾我食，依家食落回憶即刻翻返嚟！唔算太甜，滿口充滿着椰汁味，係回憶啊！🥹
炸魚三色飯 $158
見到圖片已經忍唔住要叫！三色飯包括黃薑飯、斑蘭飯同埋椰汁飯，個人超好鍾意椰汁飯！甜甜地嘅奶味並唔會太膩，意外地同魚幾夾😌魚就炸得啱啱好，外脆內軟，每一塊魚肉調味適中偏咸，食落非常有特色，啱啱炸好嘅時候仲可以食埋啲細骨添🤣
虎蝦花膠湯粉皮 $98
本身諗住即管一試，睇吓$98嘅花膠湯麵係咩一回事，點知食落有意外驚喜！🤤湯底超濃郁，呈奶白色，飲落鮮味十足，相信湯底一定熬咗好耐！💕粉皮同虎蝦就相對失色，可能我哋掛住影相浸得耐，粉皮開始發脹，另外感覺虎蝦唔算太新鮮，食落有啲乾🥲
柑桔青瓜冰 $28
見到寫住必試就即管一試！成杯飲料由外表開始已經非常Fresh非常清爽，青瓜嘅味道非常出，所以好睇個人喜好🤔
新鮮椰青 $38
極度口渴嘅時候椰青水就不二之選，清新爽口，仲可以刮椰子肉食添😌
班蘭千層糕 $25
最後梗係唔少得最經典嘅印尼甜點千層糕！細細個工人姐姐成日整俾我食，依家食落回憶即刻翻返嚟！唔算太甜，滿口充滿着椰汁味，係回憶啊！🥹
張貼
