喫茶ちょうぼ

營業中

休息中

💡鬧市中既日式cafe 木系裝潢，俾人一種高雅嘅感覺，可以同三五知己行完街喺度慢慢享受美食，又可以打卡同傾計。🍽️ 誕辰和牛漢堡蛋包飯蛋奄列由侍應切開後，嫩滑嘅蛋漿會慢慢流出，蛋奄列煮得相當好，蛋味香濃，口感嫩滑，配上特有嘅醬汁，提升咗成個蛋包飯嘅味道。蛋奄列下面有一塊好厚嘅漢堡扒，肉味香濃，亦冇煎到好乾身，食落仲好Juicy。🍽️ 聖誕庭園大蝦菠菜扁意粉呢一個菠菜意粉，以綠色為主調，配上紅色既蕃茄仔同大蝦，好似棵聖誕樹咁，迎合聖誕節嘅氣氛。由菠菜蓉再調和出黎既醬汁，相當creamy，而且大蝦鮮甜爽口。🍽️ 噹噹金賞唐揚炸雞炸雞嘅肉質相當嫩滑，外面亦都炸得好酥脆，配上佢嘅醬汁，相當惹味。仲有特製嘅沙律醬，蘸埋一齊食，又會有另一種味道。🍽️ 雪人布甸與牛奶大福盛好適合用嚟打卡嘅雪人布甸，外型相當可愛趣緻。布甸唔會太軟，亦都唔會太挺身，會喺你口中慢慢溶化。牛奶大福有淡淡嘅牛奶香味，口感煙靭，令到成個甜品既口感好有層次。🍽️ 紅粉緋緋花環拿鐵&紅豆牛乳紅粉緋緋花環拿鐵咖啡味香香濃，與下層嘅草莓互相配合，味道獨特。熱紅豆牛乳暖笠笠就好適合冬天呢個時候飲啦。